lunes, 16 de octubre de 2017

VENRES DE CONTOS

O venres 13 de outubro , ao carón de Chema Heras, os nenos e nenas de 2º A desfrutaron dunha sesión de conta contos.







sábado, 14 de octubre de 2017

Cando en setembro acabes de vendimiar, ponte axiña en outubro a sementar.

Así di o refrán... e así comezou este ano Chema Heras no noso colexio:
 Sementando  dende inicios de outubro o gusto pola lectura a través dunha sesión de contacontos para os  nenos e nenas  de 1º B.
Moitas gracias Chema!
 





jueves, 29 de junio de 2017

DESPEDINDO O CURSO 2016-2017





O mércores 21 o equipo da biblioteca organizou unha festa para os voluntarios e voluntarias de este ano.
Con motivo de agradecemento por todo o seu  esforzo e a súa colaboración altruísta, agasallouse aos nenos e nenas de 6º de Primaria cun detalliño, un diploma e unha merendola.

Tamén houbo agasallo para todos aqueles e aquelas que participaron no Día do Libro. 

Grazas a todos polo tempo dedicado as diferentes actividades ou propostas da biblio. 

Vémonos o vindeiro curso!



domingo, 18 de junio de 2017

OS LECTORES DO MES DE MAIO



Velaquí os superlectores do mes de maio.

 Entre os máis cativos o equipo da biblioteca nombrou a Iria Chavez Martínez de 6º de Educación Infantil A.


Durante a entrevista que lle fixemos a Iria, contounos que  sí esperaba ser nomeada como unha gran lectora porque afirma que lle gusta moito ler. O seu lugar preferido para ler un conto é a cociña ou o salón.  Entre os  seu contos favoritos quixo destacar principalmente : “La ratita presumida”. E xa para rematar Iria comentábanos a gran importancia de ler todos os días aínda que sea tan só un ratiño, pois asegura que aqueles que non o fan serán uns burros. 

O segundo superlector foi Gustavo González Martínez de 2º C. 


Gustavo púxose moi contento ao recibir a noticia. Durante a súa entrevista nomeounos numerosos contos que ten como favoritos. Entre eles quixo destacar “ Capitán Calabrote” e   todos os de Gerónimo Stilton .  Tamén nos contou que os Reis Magos lle trouxeran o conto “ O apalpador e as castañas máxicas” e que lle gustara moito.
A Gustavo gústalle moito ler no seu cuarto antes de ir a durmir porque lle relaxa.
E quere animarvos a todos aqueles que detestades a lectura a que vos somerxades nunha historia e a vivades como se forades os protagonistas. Pois Gustavo considera que un libro é como unha aventura.

A terceira superlectora foi Adriana Figueira Dopazo de 3º B


Adriana estaba moi contenta, tiña moitas ganas de que o equipo da biblio a nomeara superlectora. Afirmaba que durante o mes de maio lera 9 libros.
A Adriana encántalle os contos de aventura como os de Gerónimo Stilton  e Tea Stilton. Á hora de escoller un conto fíxase no número de páxinas que ten e nas ilustracións.
O espazo que ela escolle para ler e no seu cuarto. Tamén nos contou que asiste a biblioteca todos os luns, mércores e venres. 
 E por último a súa mensaxe para todos vós é: Animádevos a ler, hai contos divertidos. Só tedes que animarvos a pasar pola biblio de Piticán”

Para rematar, entre os maiores foi nomeada superlectora Alba Bernárdez Gómez.




 Alba comentábanos que non o esperaba, que lle sorprendera moito.
Fai dous anos encantábanlle os contos de Scooby- Doo; pero anos despois, unha compañeira, Iria, recomendoulle que lera os de Gerónimo Stilton e os de Bat Pat.
Encántalle ler relaxada no seu sofá polas noites ou polas tardes. Alba cre que é moi interesante ler porque aprendes tamén a escribir.


Noraboa aos catro! 

martes, 13 de junio de 2017

CONTACONTOS DURANTE A CONVIVENCIA COS NENOS E NENAS DO CRA DE RIBADUMIA



            



O venres 9 de xuño, o CPI Julia Becerra Malvar convidou aos   nenos e nenas de 5 anos do  CRA de Ribadumia para asistir a unha convivencia cos nenos de 6º de Educación Infantil. 
A meirande parte deles  incorporaranse  ao noso centro o vindeiro curso. Por iso, consideramos necesario unha primeira toma de contacto co centro e cos seus futuros compañeiros e compañeiras, antes do inicio do novo curso escolar.
Ao longo desta mañá, entre outras actividades propostas, asistiron a un contacontos dirixido por Chema Heras.  
Os nenos e nenas divertíronse  moito, especialmente co conto : “ Cando Martiño tivo que mexar na noite de reis”.

lunes, 22 de mayo de 2017

MARTES DE CONTOS

Os nenos e nenas de Infantil asistiron a un novo contacontos de Chema Heras, un dos nosos profesores de Secundaria.








Pasamos un rato moi entretido, no que nos ensinou diferentes contos.


martes, 16 de mayo de 2017

OS SUPERLECTORES DO MES DE ABRIL



HUGO - 6º DE EDUCACIÓN INFANTIL



Entre os máis cativos foi premiado como gran lector do mes, Hugo de 6º de Educación Infantil. Hugo  define a biblioteca como un espazo onde hai moitos contos e no que hai que estar caladiños para non molestar. O seu conto preferido é: “ Barba Azul”.
O recuncho favorito de Hugo para ler un conto  é o seu salón porque di que alí hai moito espazo.  Tamén nos contou durante a entrevista que xa sabe ler en maiúsculas e que lle encanta ler ao carón da súa nai.



LEIRE -  1º PRIMARIA A


Durante a entrevista Leire contounos que o seu conto favorito é: “Corre, corre, cabaciña”.   
 A Leire encántalle ler polas tardes na súa habitación e se se trata de historias de medo, mellor que mellor.
Leire tamén nos contou que frecuenta a biblioteca na hora do patio e que acude para ler, levar libros e facer debuxos.

HÉCTOR -  2º C PRIMARIA




Héctor quedou sorprendido, contounos que non imaxinaba que volvería a ser galardoado como superlector de novo. Pois o ano pasado, de xeito moi merecido, tamén foi premiado.
Entre os seus contos favoritos están os de Scooby Doo, gústanlle xa dende ben pequeniño.
Cóntanos que ten un estante cheo de libros e que segue aumentado a súa colección sempre que cumpre anos. E é que..que mellor agasallo que un conto?
Xa para finalizar, Héctor cóntanos que lle gusta moito a lectura porque os contos son como vivir  unha pequena aventura.

ÓSCAR -  6º B

Por último, entre os maiores do colexio foi nomeado superlector,Óscar. Ao comezo da entrevista contounos que tiña moitas ganas de ser un dos grandes superlectores e sabía que algún día o conseguiría.
A Óscar encántalle especialmente a aventura e a acción; pero tamén lle gustan os cómic, sobre todo os de Mortadelo e Filemón. A súa afección polo cómic comezou cando o seu pai lle comprou un.  Parecéronlle tan divertidos que dende aquela comezou a integralos na súa lista de favoritos.
 De feito afirma que leu todos os de BAT PAT que están na biblioteca.
Entre os seus contos favoritos quixo destacar “ A illa do tesouro”.
E xa por último,  contounos que normalmente le no seu cuarto de noite porque lle relaxa moito e considera que é unha boa maneira de acabar o día. Tras estas palabras e despois dos sentimentos transmitidos durante a entrevista, non se nos ocorreu outra cousa que preguntarlle se algunha vez soñara con ser escritor.  E a súa resposta foi afirmativa, de feito contounos un segredo. Está escribindo un libro pero tan só leva tres follas porque polo de agora cos estudos  non ten moito tempo...pero cree que no verán terá tempo dabondo para continuar a súa historia.


Moitas gracias aos catro por compartir connosco un pequeno ratiño na biblio de Piticán e regalarnos o máis bonito de vós, o voso sorriso.