MARTES DE CONTOS

Os nenos e nenas de Infantil asistiron a un novo contacontos de Chema Heras, un dos nosos profesores de Secundaria.

Pasamos un rato moi entretido, no que nos ensinou diferentes contos.

OS SUPERLECTORES DO MES DE ABRIL

HUGO - 6º DE EDUCACIÓN INFANTIL

Entre os máis cativos foi premiado como gran lector do mes, Hugo de 6º de Educación Infantil. Hugo  define a biblioteca como un espazo onde hai moitos contos e no que hai que estar caladiños para non molestar. O seu conto preferido é: “ Barba Azul”.

O recuncho favorito de Hugo para ler un conto  é o seu salón porque di que alí hai moito espazo.  Tamén nos contou durante a entrevista que xa sabe ler en maiúsculas e que lle encanta ler ao carón da súa nai.

LEIRE -  1º PRIMARIA A

Durante a entrevista Leire contounos que o seu conto favorito é: “Corre, corre, cabaciña”.   

 A Leire encántalle ler polas tardes na súa habitación e se se trata de historias de medo, mellor que mellor.

Leire tamén nos contou que frecuenta a biblioteca na hora do patio e que acude para ler, levar libros e facer debuxos.

HÉCTOR -  2º C PRIMARIA

Héctor quedou sorprendido, contounos que non imaxinaba que volvería a ser galardoado como superlector de novo. Pois o ano pasado, de xeito moi merecido, tamén foi premiado.

Entre os seus contos favoritos están os de Scooby Doo, gústanlle xa dende ben pequeniño.

Cóntanos que ten un estante cheo de libros e que segue aumentado a súa colección sempre que cumpre anos. E é que..que mellor agasallo que un conto?

Xa para finalizar, Héctor cóntanos que lle gusta moito a lectura porque os contos son como vivir  unha pequena aventura.

ÓSCAR -  6º B

Por último, entre os maiores do colexio foi nomeado superlector,Óscar. Ao comezo da entrevista contounos que tiña moitas ganas de ser un dos grandes superlectores e sabía que algún día o conseguiría.

A Óscar encántalle especialmente a aventura e a acción; pero tamén lle gustan os cómic, sobre todo os de Mortadelo e Filemón. A súa afección polo cómic comezou cando o seu pai lle comprou un.  Parecéronlle tan divertidos que dende aquela comezou a integralos na súa lista de favoritos.

 De feito afirma que leu todos os de BAT PAT que están na biblioteca.

Entre os seus contos favoritos quixo destacar “ A illa do tesouro”.

E xa por último,  contounos que normalmente le no seu cuarto de noite porque lle relaxa moito e considera que é unha boa maneira de acabar o día. Tras estas palabras e despois dos sentimentos transmitidos durante a entrevista, non se nos ocorreu outra cousa que preguntarlle se algunha vez soñara con ser escritor.  E a súa resposta foi afirmativa, de feito contounos un segredo. Está escribindo un libro pero tan só leva tres follas porque polo de agora cos estudos  non ten moito tempo...pero cree que no verán terá tempo dabondo para continuar a súa historia.

Moitas gracias aos catro por compartir connosco un pequeno ratiño na biblio de Piticán e regalarnos o máis bonito de vós, o voso sorriso.

OS SUPERLECTORES DO MES DE MARZO

CLARA MONTOYA 4º EDUCACIÓN INFANTIL

 

Entre os máis cativos foi premiada como gran lectora Clara Montoya de 4º de Educación Infantil. Clara define a biblioteca como un espazo para ver contos. O seu conto preferido é: “ Os tres porquiños” e encántalle que a profe Montse e  a súa mamá lle conten contos.

 

NAYRA BAÑOS PAZ. 1º B

Durante a entrevista que lle fixemos na biblioteca Nayra confesounos que estaba un pouquiño nerviosa, pero que estaba ben. Contounos que lle encanta vir a biblio porque podes ler contos, xogar... De feito vai a biblio case todos os días, agás que faga moita calor.  Entre os seus contos favoritos, citou: La bella y la Bestia porque Bella é unha das súas princesas favoritas .

Nayra elixe ler ao terminar de facer os deberes ou polas noites sempre é cando non sexa moi tarde.

Moitas gracias polo teu tempo, Nayra!

 

BRAIS PADÍN COIRA. 3º B

Brais acudiu a biblioteca alegre e cheo de emoción. Estaba moi sorprendido porque 3º B segue destacando en canto ao número de bos e boas lectoras.

Brais dedícalle, para ser exactos, 35 minutos  e sempre despois do xantar. Pola tarde non ten tanto tempo porque vai a moitas actividades e polas noites co canso que está precisa cargar as pilas para vir con enerxía ao colexio.

Á hora de escoller contos fíxase na portada; pero ten en conta que os contos sexan de aventuras ou de misterio, pois eses son os que máis lle gustan.

Moitas gracias Brais!         

IRIA GAGO LORENZO. 6º B

E por último, entre os maiores temos a Iria de 6º. Iria xa non quixo nin sentarse durante a entrevista, movíase dun lado para outro. Sería a emoción?

Ao preguntarlle se esperaba saír nomeada coma unha gran superlectora, respondeu que non o imaxinaba, que fora unha gran sorpresa e estaba feliz.

Ao longo da entrevista estivemos falando de varios temas relacionadas coa lectura, hábitos, gustos... e que podemos resumir da seguinte maneira:

A Iria encántanlle todo tipo de contos, pero especialmente os de aventuras, as historias de amor e as de terror. Para decantarse por un, o primeiro que mira é o título e  logo o contido.

Entre os seus libros favoritos quixo destacar “ El eslabón de Cristal” e anímavos a todos a que fagades máis uso da biblioteca e vos embarquedes nas historias que ledes, pois Iria asegura que é unha das mellores maneiras de encontrar o gusto na lectura.

Moitas gracias Iria!